16) Vakf ildüm ve Tonuzlu’dagı Hoca Ömer Hamamınun ücretinden on biş akçe… m kalan ne olursa tonu…zına vakf itdüm
17) Bunlarun kamusın Sultan Mehmed Hudavendigar kabul dutup nişan virdi ve Küıtahya’daki Yeni Hamamı mezkur… satun aldı İlyas Beg oglı Süleyman Şah’dan ben anı hafızıne
18) Vakf itdüm ki yiyeler ve günde bir hatim ideler andan girü İshak Fakih’i mütevelli kodum niçe kendü devrinde kendü ol ola ve mütevellilik hakkı günde biş akçe yiye
19) Ve girü oglınun dahi yararoğlı olursa ol dahi ola eger layık olmayası olursa padişah-ı vakt kimeki hükmedesi olursa ol ola ve mütevellik hakkı günde biş akçe yiye
20) Yılda altı müt buğday şehir mütiyle yiye ve Subaşı Hamamı dahi ola eger layık olmayası olursa olursa padişah-ı vakt kimeki hükmedesi olursa ol ola ve mütevellik hakkı ola v Seyyid Cafer’i Şeyh kodum kendü şeyh ola madamki hayardadur.
21) Ve kendüden sonra yararoglı olursa ol dahi Şeyh ola oglınun dahi yararoğlı olursa ol ola ve eger yarar olmayası olursa padişah-ı vakt kimi layık
22) Görürse ol ola ve şeyhlik hakkı imaretün gallesinden günde on biş akça yiye ve Armutilinde Sökmen Kökin yiye ve Kütahya’da Yonca Bagçesin yine bunlardan
23) Sonra kim şeyh olursa günde on akçe yiye yılda altı müt buğday yiye andan girü imaret medresesinün müderrisine günde altı akçe ve yılda altı müt bugday şehir mütiyle ve üç
24) Kanlı (kağnı) odun ve günde iki çanak aş ve dört etmek ola ve tokuz hücreye günde birer akça yılda birer şehir mütiyle bugday ve her hücreye ikişer kanlı
25) Odun vireler ve her hücreye ikişer çanak aş dört etmek vireler ve imam günde üç akçayla yılda iki müt bugday yiye ve müezzin günde iki
26) Akça ve yılda iki müt bugday yiye günde iki akça ve yılda iki müt bugday yiye ve nakib günde iki akçe ve yılda iki müt buğday yiye ve aşçı günde iki akça ve yılda
27) İki müt bugday yiye ve etmekçi günde dört batman et bişe andan eksük bişmeye aşı ve etmeğe aru ola ve eyü ola
28)Gelen misafirlerin atına yine üç güne dek yem vireler andan girü anda olan mifafirlere ve mücavirlere adetinde aşı ve etmeğe ilkin anlara bol vireler andan sonra
29) Girü kalanı vireler ve dahi anda kim ki hasta olası olursa ana hekim getüreler, ilaç itdüreler ve hekim hakkın vireler andan sonra sonra
30) Ve anda kim ölesi olursa kefene saralar hakka koyalar andan girü misafir mücavir… durursa duralar gene git dimeyeler anda gelen ne kadara dekse halk.
Mustafa UYSAL
Araştırmacı-Yazar
Kaynakça: ATATÜRK’ÜN DOĞUMUNUN 100.YILINA ARMAĞAN “KÜTAHYA”
Sayfa: 294-295-296-297-298-299-300-301-302