Kütahya’da uygunsuz hareketlerinden dolayı daha önce azledeilmiş olan Rumların kocabaşıları Atnaş ve diğer dört kocabaşıları muhasebelerinin görülerek zimmetleri tespit edildiğinden tahsil edilerek hak sahiplerine iade edilmesi ve bunların kendi yerlerine atanan kocabaşılara müdahalelerinin de önlenmesi.
Hüdavendigar Müşirine
Nefs-i Kütahya’da mutavattın Rum milletinin mukaddema kocabaşları olan Arnaş vesair dört nefer zimmilerin na-beca hareketlerinden dolayı tebdilleriyle yerlerine millet-i merkume ma’rifetiyle diğer beş nefer kocabaşı ve çend nefer nazır intihab ve ta’yin olunarak kocabaşı-i mersumların rü’yet-i muhasebesine muhasebeden imtina’ ile ibtal-i hakka ictisar ve kocabaşı-i lahıklara dahi müdahaleye ibtidar eylediklerinden bahisle mersumların mahallinde meclisce muhasebelerinin men’i zımnında bir kıt’a emr-i ali ısdarı hususu nefs-i Kütahya Rum millieti tarafından mukaddeme mübarek rikab-ı kamer-tab-ı mulukaneye arzuhal takdimiyle niyaz ve istid’a olunmuş olduğundan keyfiyet Maliye nazırı devletlü paşa hazretlerine lede’l-havale husus-ı mezbura dair Divan-ı Hümayün tarafından bir güne emr-i ali tasdir ve i’ta olunmadığı ihrac etdirilen derkenarda gösterilmiş ve kaza-i mezbur dahil-i daire-i Tanzimat bulunmuş olduğundan ber-mantuk-ı istid’a mersumunun mahallince muhasebeleri bi’r –rü’ye deynleri zuhur eylediği halde tahsil ve ashabına red ve i’tası ve mersumunun millet-i merkumeye na-beca müdahaleye müdaleleri vaki’ ise men’u def’ kılınması lazım geleceği nazır-ı müşarun-ileyh hazretleri taraflarından ba-tahrir lede’l-inha ol vechile iktizasının icrası hususu taraf-ı senaveriden ba-tahrirat selef-i müşiri atüfetlü paşaya iş’ar ve inba kılınmış ise de tahrirat-ı mezkureyi kazaen zayi’ eyledikleri beyanıyla te’kidi hususu bu def’a dahi millet-i merkume tarafından ba-arzuhal inha ve istid’a olunmuş olmağla ber-minval-i muharrer iktizasının icrası hususuna himmet buyurmaları siyakında kaime.
23 Zilhicce 1261
Mustafa UYSAL
Araştırmacı -Yazar
Kaynakça: Osmanlı Belgelerinde Kütahya
Sayfa: 692-693