Dördüncü fasıl: Hey’et-i umumiye beyanındadır.           Yirmibirinci Madde:  Suret-i muntazamada akd-i ictima’ eden hey’et-i umumiye umum hissedaranın hey’et-i mecmu’ası makamında bulunur.           Yirmiikinci Madde: Hey’et-i umumiye her sene Mayıs zarfında şirketin merkezinde suret-i adiyede akd-i ictima’ eder. Bunda başka meclis-i idare icab eyledikçe suret-i adiyede akd-i ictima’ eder. Bundan başka meclis-i idare icab eyledikçe suret-i  fevka’l-adede olarak hey’et-i umumiyeyi da’vet edebilir. Her sene hey’et-i umumiyenin ictima’ı nihayet yirmi gün akdem tahriran Ticaret Nezareti’ne ihbar olunacak ve hey’et-i  mezkurede canib-i nezaretten bir komiser hazır bulundurulabilecektir.           Meclis-i idare ve müfettiş raporlarıyla senelik bilançodan ve hey’et-i umumiye zabıtnamelerinden ve hey’et-i mezkürede hazır bulunan hissedaranın esami ve mikdar-ı hisselerini mübeyyin cedvelden  ve dörder nüshası Ticaret Nezareti’ne gönderilecektir.           Yirmiüçüncü Madde:  Hey’et- i umumiye vekaleten veya asaleten la-ekall on hisseye malik olan hissedarandan mürekkeb olacaktır. Hey’et-i umumiye gerek asaleten ve gerek vekaleten hazır bulunan hissedaranın her on hisse için bir re’yi olacak ve şu  kadar ki her bir hissedarın beşten ziyade re’yi  olamayacaktır.           Yirmidördüncü Madde: Da’vetnameler yevm-i ictima’dan la-ekall bir mah evvel atıncı maddede beyan edildiği vechile gazetelerle veya sair suretle i’lan kılınacaktır.           Yirmibeşinci Madde: Hey’et-i umumiye gerek asaleten ve gerek vekaleten şirket sermayesinin bir rub’una müsavi hisse senedatına malik hissedarlar hazır bulunur ise teşekkül etmiş addolunur. Hey’et-i umumiyede hazır bulunacak hissedaranın mutasarrıf oldukları hisselerin salifü’z-zikr bir rub’a müsavı olup olmadığı anlaşılmak üzere hisse senedlerini on gün zarfında meclis-i idare tarafından irae olunacak mahalle teslim etmeleri da’vetnamelerde ihtar olunacaktır . İşbu hey’et-i umumiyenin def’a-i  ula ictima’ında hazır bulunan hissedaranın asaleten ve vekaleten hamil oldukları hisse senadatının mikdarı derece-i kifayede  olmadığı halde hey’et-i umumiye ikinci def’a lolarak ictima’a davet edilir.           İşbu ikinci ictima’da hazır bulunan hissedaran hisselerinin mildarı ne olur ise olsun birinci ictima’da müzakere olunmasına karar verilmiş olan husasat hakkında icra-yı müzakerat edeceklerdir ve vechile cereyan eden müzakerat mer’i ve mu’teber olacaktır. Birinci ictima’ beynindeki müddet yirmi günden dun ve bir mahdan efzun olmayacak ve ikinci ictima’ın da’vetnameleri on gün evvel i’lan olunacaktır.           Yirmialtıncı Madde: Hey’et-i umumiyeye meclis-i idare reisi riyaset eder ve reis mevcud olmadığı halde meclis-i idare a’zası içlerinden birisi riyaset vekaletine intihab eylerler. Hey’et-i  umumiyede hazır olup en ziyade hisseye malik olanlardan ikisi re’y toplamağa me’mur olanlar taraından ta’yin olunur.           Yirmiyedinci Madde: Hey’et-i umumiyede müzakerede olunan hususata ekseriyet-i  ara ile karar verilir. Müzakere olunacak mevaddın cedveli Meclis-i İdare tarafından tanzim edilir. İşbu cedvele dahil olunacak mevad Meclis-i İdare’nin teklifatı ile hamil oldukları hisselerin bedeli şirket sermayesinin la-ekall yüzde on beşine baliğ olan hissedaran tarafından yevm-i ictima’dan la-ekall on gün evvel vukü’bulacak teklifatdan ibaret olacaktır.           İşbu cedvele dahil olmayan hususat hey’et-i umumiyede müzakere olunamaz. Mustafa UYSAL Araştırmacı-Yazar Kaynalça: Osmanlı Belgelerinde Kütahya Sayfa: 450-451-452-453-454-455-456-457-458-459-460-461-462-463-